2011-Dic-15

Enviado en Bestelakoak

Liburuak Musikatuz, haurrentzako ipuin musikatuak

Oñatiko Ganbara Txiki Abesbatzak, LIBURUAK MUSIKATUZ egitasmoa kaleratu du. Proiektu honen asmoa 4-9 urte bitarteko haurrei zuzendutako ipuin musikatuen bilduma kaleratzea da. Bildumarekin hasteko, Eva Ugalde donostiarraren Eskolopendra eta Josu Elberdin pasaitarraren Jostailugilea aurkeztuko dituzte.

Ipuin bakoitzak liburu eta CD bat izango du. Liburuan ipuinaren narrazio eta abestiak jasotzeaz gain, bukaeran istorioarekin erlazionatutako ariketa eta denborapasa desberdinak aurki daitezke.
CD-an ipuinaren istorioaren narrazioa eta abestiak jasotzen dira eta bigarren zati batean abestien play-backa ere aurki daiteke bakoitzak abestiak etxean kantatu ahal izateko.

Informazio gehiago egitasmoaren webgunean

Se ha cerrado los comentarios